អនាគតឪពុកម្តាយរបស់ទារកអាយុ ៣ ខែក្នុងផ្ទៃតាមរយៈដោយការបង្កកំណើតក្នុងកែវ ភរិយា៖ បេង ចាន់រី អាយុ ៣២ឆ្នាំ និងស្វាមី ងក់ មិត្ត អាយុ៤៥ ឆ្នា យើងអស់សង្ឈឹម និងមានអារម្មណ៍តានតឹងដោយសារពួកយើងមិនអាចមានបុត្ររយៈពេល៥ឆ្នាំហើយ។ ហើយបានទៅរកការព្យាបាលនៅប្រទេសវៀតណាម ប៉ុន្តែមិនបានទទួលលទ្ធផលវិជ្ជមាន។ ក្រោយពីយើងទាំងពីរបានទទួលដំណឹងភ្លាមពីឯកទេសព្យាបាលការលំបាកមានកូន និងការពិគ្រោះយោបល់របស់មន្ទីរសម្រាកព្យាបាលកម្ពុជា យើងបានសម្រេចចិត្តសាកល្បងប្រើប្រាស់សេវារបស់មន្ទីរសម្រាកព្យាបាលកម្ពុជា។ យើងទុកចិត្តលើវិជ្ជាជីវៈ និងក្រមសីលធម៌វេជ្ជសាស្ត្ររបស់មន្ទីរសម្រាកព្យាបាលកម្ពុជា ព្រមទាំងទទួលយកការព្យាបាលដែលស្នើដោយវេជ្ជបណ្ឌិត ស៊ាន សុខទៀង។ ដោយសារខ្ញុំមានដៃស្បូនតែម្ខាង ហើយស្វាមីខ្ញុំមានចំនួនមេជីវិតឈ្មោលតិច យើងក៏ទទួលការព្យាបាលដោយបច្ចេកទេសបង្កកំណើតក្នុងកែវ។ ជាលទ្ធផល ខ្ញុំក៏មានផ្ទៃពោះ។ ឥឡូវយើងក្លាយជាអនាគតឪពុកម្តាយរបស់ទារកអាយុ ៣ខែ ក្នុងផ្ទៃរបស់ខ្ញុំ (ថ្ងៃទី២២ ខែធ្នូ ឆ្នាំ២០១៤)។ ខ្ញុំបានសម្រេចក្តីសុបិនរបស់ខ្ញុំ។ ខ្ញុំសូមលើកទឹកចិត្តឱ្យគូស្វាមីភរិយាដែលមានការលំបាកមានកូនមកទទួលយកការពិគ្រោះយោបល់ និងព្យាបាលរបស់វេជ្ជបណ្ឌិតឯកទេស និងសូមកុំបោះបង់ក្តីសង្ឈឹមចោលឱ្យសោះ។ Dear Mr Samnang and Dr Sean, This time last year we were in Phnomh Penh at your clinic performing IVF. Today our beautiful daughter is 3 months old! She is very healthy and we wanted to say thank you very much for helping make our dreams come true, we are very grateful. Love, Kate and David Oates ក្លាយជាឪពុកម្តាយតាមរយៈការបាញ់បញ្ចូលមេជីវិតឈ្មោលចូលក្នុងស្បូន ភរិយា៖ វណ្ណា ស្វាមី៖ ឆាយ ផាន់ណាង តាំងពីរៀបការមក យើងមានអារម្មណ៍តប់ប្រមល់ និងពិបាកចិត្តជាខ្លាំង។ ទំហំនៃបំណងប្រាថ្នានៃការចង់បានបុត្ររបស់យើងមិនអាចពិពណ៌នាបានទេ។ ជាសំណាងល្អណាស់សម្រាប់ពួកយើង ឥឡូវយើងមានកូនស្រីគួរឱ្យស្រលាញ់ម្នាក់។ ខ្ញុំបានជួបវេជ្ជបណ្ឌិតដែលមានវិជ្ជាជីវៈ និងបទពិសោធន៍ខ្ពស់។ ខ្ញុំប្រហែលជាមិនអាចមានគ្រួសារពេញលេញបែបនេះទេ ប្រសិនបើគ្មានជំនួយពីវេជ្ជបណ្ឌិតនៅមន្ទីរសម្រាកព្យាបាលកម្ពុជា។ ខ្ញុំជឿថា មិនមែនមានតែខ្ញុំទេ ប៉ុន្តែមានគូស្វាមីភរិយារាប់រយគូថែមទៀតដែលមានបញ្ហាការលំបាកមានកូន ហើយបានសម្រេចក្តីសុបិនរបស់ពួកគេ និងក្លាយជាឪពុកម្តាយតាមក្តីប្រាថ្នា។ ខ្ញុំសង្ឃឹមថា មន្ទីរសម្រាកព្យាបាលកម្ពុជានឹងជួយសម្រេចបំណងប្រាថ្នាដល់គ្រួសារច្រើនថែមទៀតនៅកម្ពុជា។ សក្ខីកម្មរបស់អតិថិជន៖ សូមបញ្ជាក់ថា ដោយសារមានសក្ខីកម្មរបស់អតិថិជនច្រើនពេក ថ្នាក់ដឹកនាំមន្ទីរពេទ្យជ្រើសរើសយកសក្ខីកម្មពីរ ឬបីប៉ុណ្ណោះ មកចុះផ្សាយ ព្រមទាំងទទួលបានការអនុញ្ញាតយល់ព្រមរបស់ពួកគាត់។ ប្រវិត្តអតិថិជនមករកសេវានៅមន្ទីរសម្រាកព្យាបាលយើងខ្ញុំត្រូវបានរក្សាទុកជាការសម្ងាត់។ ខ្ញុំមិនអាចរៀបរាប់ពីអារម្មណ៍របស់ខ្ញុំបានទេ។ ក្តីសុបិនចង់បានបុត្ររបស់ខ្ញុំបានក្លាយជាការពិត។ សូមអរគុណដល់គ្រូពេទ្យ និងមន្ទីរសម្រាកព្យាបាលកម្ពុជាដែលបានជួយយើងខ្ញុំឱ្យជម្នះឧបសគ្គដ៏ធំនេះ។ ខ្ញុំសង្ឈឹមថា ប្តីប្រពន្ធដែលលំបាកមានកូននឹងមិនបាត់បង់ក្តីសង្ឃឹម និងការជឿជាក់ឡើយ ហើយសូមកុំបោះបង់ចោលក្តីសង្ឃឹមនេះឱ្យសោះ។