ការលំបាកមានកូនជាបញ្ហានៅក្នុងវប្បធម៌ និងសង្គមមនុស្សគ្រប់ជាតិសាសន៍ទាំងអស់។ បញ្ហានេះប៉ះពាល់ដល់គូស្វាមីភរិយាពី ១០% ទៅ ១៥% ដែលស្ថិតនៅវ័យបន្តពូជ។ នៅក្នុងប៉ុន្មានឆ្នាំចុងក្រោយនេះ ចំនួនគូស្វាមីភរិយាដែលស្វែងរកការព្យាបាលការលំបាកមានកូនបានកើនឡើងច្រើនដោយសារតែកត្តាមួយចំនួនដូចជា ការពន្យារពេលមានកូនសម្រាប់ស្ត្រី ការអភិវឌ្ឍថ្មីៗនៃ បច្ចេកវិទ្យាការព្យាបាលការលំបាកមានកូន និងមានប្រសិទ្ធភាព និងការកើនឡើងនៃការយល់ដឹងអំពីសេវាទាំងនេះ។ យើងជួយគូស្វាមីភរិយា និងបុគ្គលឱ្យយល់ដឹងអំពីព័ត៌មាន និងស្ថិតិនៃមូលហេតុនៃការលំបាកមានកូន ដូច្នេះពួកគាត់មានព័ត៌មានគ្រប់គ្រាន់ក្នុងការសម្រេចចិត្ត។ ការលំបាកមានកូន គឺជាជំងឺមួយ ហើយអ្នកត្រូវទទួលបានការពិនិត្យ ព្យាបាល និងដោះស្រាយបញ្ហានេះ។ យើងស្នើឱ្យដៃគូទាំងសងខាងមកទទួលការពិនិត្យ ដើម្បីស្វែងរកមូលហេតុពិតនៃការលំបាកមានកូន៖ មួយភាគបីនៃការលំបាកមានកូន គឺបណ្តាលមកពីបុរស។ មួយភាគបីនៃការលំបាកមានកូន គឺបណ្តាលមកពីស្ត្រី។ មួយភាគបីទៀតនៃការលំបាកមានកូន គឺមិនមានមូលហេតុច្បាស់លាស់ ឬបណ្ដាលមកពីកត្តារួមរបស់ស្ត្រី និងបុរស។ ទោះបីការលំបាកមានកូនបណ្តាលមកពីស្ត្រី ឬបុរសក៏ដោយ មន្ទីរសម្រាកព្យាបាលកម្ពុជាគឺជាក្តីសង្ឈឹមរបស់អ្នក។ យើងលើកទឹកចិត្តឱ្យអ្នកមកជួបពិគ្រោះយោបល់ និងសិក្សាបន្ថែមទៀតអំពីមូលហេតុ និងការព្យាបាល។